Нұр-Сұлтан қаласының әкімі Алтай Көлгінов өзінің Instagram желісіндегі ресми парақшасында елорда күні 400 отбасы көптен күткен пәтерлердің кілттерін алғанын хабарлады. Бұл кезекте тұрған жетім балалар, ерекше қажеттіліктері бар балаларды тәрбиелеп отырған отбасылар, толық емес отбасылар, мүгедектігі бар жандар, зейнеткерлер және т.б. Бұл туралы қала әкімдігінің ресми сайты хабарлайды.
Қаланың барлық аудандарында әлеуметтік тұрғын үйлер салынуда. Пәтерлердің кілттері Есіл ауданындағы тұрғын үй кешенінен (Пригородный т.а.) және Алматы облысынан (Қошқарбаев көшесі мен А 104 көшесінің қиылысы) берілді.
«Мемлекет басшысының тапсырмасы бойынша біз қол жетімді баспана көлемін ұлғайту бойынша жүйелі жұмыс жүргізіп жатырмыз. Биыл Нұр-Сұлтан қаласында 10000 жеңілдікті әлеуметтік пәтер салу жоспарлануда. Тек соңғы үш жылда қол жетімді баспана саны 5,5 еседен астам көбейген. Мысалы, 2018 жылы 1800 әлеуметтік пәтер салынды, 2019 жылы — 2900 әлеуметтік пәтер, 2020 жылы 7000-нан астам пәтер салынып, пайдалануға берілді», — деп жазады қала әкімі.
Алтай Көлгіновтің айтуынша, елордада тұрғын үй сертификаттарының мөлшері 1 миллионнан 1,5 миллион теңгеге дейін ұлғайтылған. Қазақстан тұрғын үй компаниясының (ҚТК) бағдарламасы бойынша қатысушылар санаты ұлғайған: медицина қызметкерлері, мұғалімдер, әлеуметтік қызметкерлер, өрт сөндірушілер, тәртіп сақшылары, мәдениет және спорт қызметкерлері.
«Биыл біз Елбасымыздың бастамасымен жүзеге асырылған «Жұмыс істейтін жастарға арналған жалдамалы тұрғын үй» бағдарламасын жалғастырамыз. Осы бағдарлама аясында жыл соңына дейін 1000-нан астам жас азамат баспана алады. Сонымен қатар осы жылдың басында тағы 350 жас азамат пәтер кілттерін алды. 2021 жылы біз жастарға арналған арнайы тұрғын үй бағдарламасын (әлеуметтік несиелеу) іске қосуды жоспарлап отырмыз», — деп жазды Алтай Көлгінов өз парақшасында.
Сөз соңында қала басшысы қазақстандықтарды елорда күнімен құттықтады.
