«Ұлттық ақпараттық технологиялар» АҚ Басқарма Төрағасы Ростислав Коняшкин компанияның таяудағы жарты жылға арналған жоспарлары туралы хабарлады. Атап айтқанда, ол eGov порталы өзгерістерге ұшырайтынын атап өтті.
Коняшкин атап өткендей, порталдың жаңартылған нұсқасын пайдалану ыңғайлы болады.
«Жыл соңына дейін бізде порталды қайта жазу жоспарлары бар, өйткені біз оның ыңғайлылық, пайдаланудың қарапайымдылығы және ақпаратты іздеу тұрғысынан ескіргенін түсінеміз. Сондықтан, жыл соңына дейін оны қайта жазу, оның ішінде бірнеше қызметті қамтитын өмірлік жағдайлар қағидаттарын пайдалану жоспарлануда», – деп хабарлады басқарма төрағасы ОКҚ брифингінде.
Ол қазақстандықтар пәтер сатып алған кезде оларға төлем қабілеттілігін, тұрғын үйдің бар немесе жоқ екенін растайтын бірнеше анықтама, тұрақты тұратын жері туралы ақпарат және т.б. қажет екенін мысалға келтірді. Бұл ретте қазір адамдар әрбір анықтаманы жеке-жеке сұратуға және алуға мәжбүр, өйткені олар әртүрлі мемлекеттік органдардың қарауына жатады.
«ҰАТ» АҚ басшысының айтуынша, жаңартылған eGov порталында кешенді қызметтерді алу мүмкіндігі ұсынылады.
Сонымен қатар, порталда көптеген қателер түзетіліп, оның жұмысының тұрақтылығы едәуір артады.
