Алғаш рет сал ауруына шалдыққан адам ми арқылы пайда болатын электрлік сигналдарды декодтайтын технологияны қолдана отырып, адамдармен сөйлесе алды.
Хабарламаға сәйкес, қатысушы он жылдан астам уақыт бұрын мидың бағаналы инсультына ұшыраған, нәтижесінде анартрия пайда болды, сөйлеуге қатысатын бұлшықеттерді басқара алмады. Аяқ-қолы да сал болып қалғандықтан, ол минутына бес сөзді, экраннан әріптерді таңдап, басының кішкене қимылдарын қолданып сөйлеседі.
Енді ер адам қысқа сөйлемдер жасай алады. Компьютер миының жұмысын декодтап, сөйлемдерді экранда орташа 75 пайыз дәлдігімен және минутына 18 сөзден жоғары жылдамдықпен көрсетеді. Орташа алғанда, ауызекі сөйлеу тілі минутына 120-150 сөз жылдамдығында жүреді.
Зерттеу тобының жетекшісі Эдвард Чанг бес жыл бұрын мұндай нәтижеге қол жеткізіле алмағанын атап өтті. Оның айтуынша, бұл технология инсульт, церебралды сал ауруы және басқа да ауруларға байланысты сөйлеу қабілетінен айырылған мыңдаған адамдарға көмек көрсетуге мүмкіндік береді.
Бұрын ғалымдар сал ауруына шалдыққан адамды миын экзоскелетке қосу арқылы жүруге үйреткен.
