Өткен жылдан бастап үйлерін газбен қамтамасыз ететін тұрғындарға бір реттік әлеуметтік көмек көрсетілуде. Оны жасы бойынша зейнеткерлер, мүгедектігі бар адамдар, оның ішінде газдандыруға жататын жеке тұрғын үйлерде тұратын, сондай-ақ оның меншік иелері не меншік иесінің отбасы мүшелері болып табылатын балалар, көп балалы аналар және көп балалы отбасылар, оларда және отбасы мүшелерінде басқа тұрғын үй болмаған және төрт ең төмен күнкөріс деңгейінен аспайтын жан басына шаққандағы орташа табысы болған кезде ала алады.
— Жұмыспен қамту және әлеуметтік қорғау басқармасы 90 АЕК немесе 262 мың теңге мөлшерінде көмек көрсетеді. Бұл сома газға қосылу есебінен өтеледі. Мұндай көмекті 100 – ге жуық отбасы пайдаланды, қалғандары қосылу кезеңінде, — деп атап өтті қалалық жұмыспен қамту және әлеуметтік қорғау басқармасы басшысының орынбасары Бақтияр Ғарифуллин.
Газбен жабдықтауға әлеуметтік көмек алуға қатысты барлық мәселелер бойынша Нұр-Сұлтан қаласының жұмыспен қамту және әлеуметтік қорғау басқармасына келесі нөмірлер бойынша хабарласуға болады: «Сарыарқа» ауданы – 55-68-40, 8-702-546-86-95, 8-701-621-62-99, «Алматы» ауданы – 55-68-22, 8-701-734-83-74.
