Өрт сөндірушілер Қарағанды облысының Ұлытау ауданында дала өртін сөндіруді жалғастыруда, — деп хабарлайды ҚР Төтенше жағдайлар министрлігінің баспасөз қызметі.
Өткен демалыс күндері Қарағанды облысының Ұлытау, Шет, Осакаров, Бұқар жырау аудандарында бір табиғи өрт және төрт дала өрті тіркелді. Жалпы 142 гектар аумақта барлық дала өрттері жойылды.
Өрт сөндірушілер Қарағанды облысының Ұлытау ауданында алдын ала болжамға сәйкес шамамен 4000 гектар алқаптағы дала өртін сөндіруді жалғастыруда.
Өртті сөндіруге барлығы Қарағанды облысының 229 адамы мен 66 бірлік авариялық-құтқару құралдары, жергілікті атқарушы органдар, ерікті өрт сөндіру бөлімдері, орман шаруашылығы және жергілікті тұрғындар жұмылдырылды.
Төтенше жағдайлар министрлігінің мәліметінше елді мекендерге қауіп төніп тұрған жоқ.
