Қолданыстағы заңнамаға сәйкес полиция органдары жәбірленушінің өтініші бойынша ғана әкімшілік іс қозғауға құқылы.
ҚР Ішкі істер министрлігі бірнеше рет орын алған отбасылық зорлық-зомбылық фактілерінен кейін тараптардың татуласуын алып тастауды жоспарлап отыр.
Қазір біз тараптардың татуласу үдерісін қайта қарап жатырмыз және болашақта отбасылық зорлық-зомбылық фактісі бірнеше рет жасалған жағдайда татуласу мүмкіндігін мүлдем алып тастауды жоспарлап отырмыз, — деді Қазақстан Республикасы Ішкі істер министрлігі Әкімшілік полиция комитеті төрағасының орынбасары Алексей Милюк.
Ол қолданыстағы заңнамаға сәйкес полиция органдары жәбірленушінің өтініші бойынша ғана әкімшілік іс қозғауға құқылы екенін атап өтті. Сонымен бірге көп жағдайда жәбірленушілер ерлі-зайыптыларына психологиялық және қаржылық тәуелділікте бола отырып, одан әрі сот ісін жүргізуден бас тартады.
Жалпы ішкі істер органдарына 190 мыңға жуық өтініш келіп түсті, оның ішінде сот ісі тек төрттен бірінде қозғалған. Сонымен бірге барлық қозғалған әкімшілік істердің 60%-ы тараптардың татуласуына байланысты тоқтатылды, — деді Милюк.
