Алматы қаласында балалар пневмониядан кейін қалай оңалтудан өтіп жатқаны туралы «Алау» сауықтыру орталығының бас дәрігері Майя Шегебаева айтып берді.
Оңалту орталығы 1982 жылдан бастап жұмыс істейді. Орталық міндетті медициналық сақтандыру жүйесінде оңалту емі мен медициналық оңалту түрінде тегін медициналық көмектің кепілдік берілген көлемін көрсетеді.
«Біздің оңалту орталығымыз Алматы қаласындағы жалғыз орталық болып табылады. Мұнда 3-7 жас аралығындағы балаларға арналған 100 төсек туберкулезді емес этиологиялы пульмонологиялық аурулардан соң оңалту қамтамасыз етіледі, бронхопульмональды жүйе, бронх демікпесі бар балалар пневмониядан және басқа аурулардан кейін қабылданады. Сондай-ақ, өткен жылдан бастап біз неврологиялық аурулары бар балаларды оңалтудамыз — бұл бассүйек ішілік гипертензия», — дейді дәрігер.
Сонымен қатар орталыққа бала кезінен мүгедектігі бар балалар жыл сайын қабылданады, мысалы, көру, есту, туа біткен ақаулар, Даун синдромы, микроцефалия, церебральды сал ауруы жеңіл түрі, тубулопатия.
Балалар орталыққа қаланың барлық емханаларынан, оның ішінде SOS ауылының балалары, No2 балалар үйінің балалары учаскелік дәрігердің жолдамасымен қабылданады. Оңалту үшін барлық қажетті анализдер емханада жүргізіледі, оның ішінде ПТР тестін тапсыру да қажет.
Оңалту барысы 14 күнге созылады және оңалту емін қамтиды. Бұған массаж, емдік тыныс алу жаттығулары, кинезиотерапия, физиотерапия, витаминді терапия, шөптік дәрі, тұзды шахта, гелиотерапия және күніне алты рет йодқа бай диеталық тамақтану кіреді.
Орталықта ЛОР дәрігері, стоматолог, невропатолог, физиотерапевт сияқты тар профильді дәрігерлер де бар.
«Біздің орталықта барлық процедуралардан басқа, балалар тек бізде болатын гелиотерапиядан өтеді. Бұл күн терапиясы — кеудеге және артқа күн сәулесінен тікелей сәулеленудің терапевтік және профилактикалық қолданылуы», — дейді Майя Шегебаева.
Жыл сайын оңалтудан өтетін балалардың саны артып келеді, себебі бұл жастағы балалар бронхопульмональды жүйенің ауруларына бейім.
