Нұр-Сұлтанда көп балалы отбасылар үшін сатып алу құқығымен жалға берілетін тұрғын үйге іріктеуден өткендердің тізімі жарияланды.
Елорда тұрғындары жалға берілетін тұрғын үй алуға 27 маусым мен 7 шілде аралығында өтініш берген. Әкімдік барлығы 285 көп балалы отбасыға екі бөлмелі пәтер береді. Пәтерлердің аумағы 53,4-57,7 шаршы метрді құрайды.
Бағдарлама бойынша өткендердің барлығына жақын арада тұрғын үй орталығының қызметкерлері қоңырау шалып, одан әрі қажетті іс-әрекеттер туралы хабарлайды.
Сондай-ақ, қорда қандай да бір себептермен іріктеуден өтпегендердің тізімі көрсетілген.
Әкімдікте бұрын түсіндіргендей, барлық жылдардағы кезекте тұрғандар (2006-2021) қатысуға өтінім бере алады, алайда қатысуға өтінім бергендердің арасында кезекте ерте тұрғандар өтті.
Бағдарламаның шарттары бойынша жалға берілетін тұрғын үй ұзарту құқығымен бес жылға беріледі. Бір айда жалға алудың орташа құны-тұрғын үйдің квадратурасына байланысты 5-15 мың теңге.
