1 қыркүйекте қазақстандық бірінші сынып оқушыларын жаңалық күтіп тұр — оларға «Әліппе» (қазақ тілінде оқытатын мектептер үшін) және «Букварь» (орыс мектептері үшін) оқулықтары ұсынылады.
Соңғы бес жылда мектеп оқушылары әріптер әлемімен танысуды «Сауат ашу» оқулықтары арқылы бастаған болатын.
Білім беру мазмұнын сараптаудың республикалық ғылыми-практикалық орталығының директоры Елдос Нұрланов айтқандай, «Букварь» кітабының маңызды артықшылығы бар — бұл кітапты оқу әлдеқайда жеңіл болады. Сонымен қатар қазір оқулықта қазақстандық құндылықтар белсенді түрде насихатталуда.
«Букварьдің» тағы бір ерекшелігі QR кодтарын қолдану болады: бала смартфонды оқулыққа жақындатып, содан кейін тапсырманы естіп, оқулықтағы суретті «қозғалыста» көре алады.
«Яғни сурет«өмірге келеді»: бала дыбыстарды естиді, кейіпкерлердің қозғалысын көреді, бұл оған тіпті жазуды немесе оқуды білмесе де, тапсырмаларды орындауға мүмкіндік береді», — деді орталық жетекшісі.
Жаңартылған «Әліппе» қазақ ағартушысы Ахмет Байтұрсынұлының 1912 жылы жазған кітабы негізінде жасалған.
«Биылғы жылы Букварьдің үш нұсқасы мемлекеттік сараптамаға жіберілді. 65 мектеп апробация жүргізді, олардың нәтижелері бойынша біз мұғалімдерден тиісті кері байланыс алдық, олар қайта қаралып, баспагерлерге жіберілді. Бұл туралы тапсырмалардың орындалу мүмкіндігі, кейбір иллюстрациялардың қаншалықты қызықты екендігі туралы көптеген пікірлер айтылды. Осының бәрі кітапты жасау процесінде ескерілді. Нәтижесінде үш баспагерден «Алматы кітап» баспасының кітабы таңдалды, — деді Нұрланов.
Балалар «Әліппе» және «Букварьмен» тек бірінші және екінші тоқсанда оқиды.
