Педагогтердің тамыз республикалық конференциясында ҚР Білім және ғылым министрі Асхат Аймағамбетов ведомствоның алдында ұлттық бірыңғай тестілеу мәселелерін біртіндеп жаңғырту міндеті тұрғанын хабарлады.
«2021 жылы елімізде алғаш рет ҰБТ «бір компьютер – бір камера – бір тестіленуші» қағидаты бойынша электрондық форматта өткізілді. Осының арқасында жоғары деңгей =академиялық адалдық қамтамасыз етілді. 2019 жылы 128 мың тыйым салынған зат тәркіленіп, 24 нәтиженің күші жойылды. 2020 жылы ондай әрекеттің 2,5 мың күші жойылды. Биылғы жылы шамамен 756 жағдай болды және олардың барлығы жойылды. Face ID тестілеуге жіберілмеген жалған тұлғалардың 18 әрекетін анықтауға мүмкіндік берді. Осы шаралардың барлығы маңызды тестілеуді ашық және объективті өткізуге мүмкіндік береді деп санаймын», — деп атап өтті министр.
Оның айтуынша, ҰБТ сұрақтарының мазмұнын біртіндеп жаңғырту міндеті тұр. Келесі маңызды қадам сенімділік, практикалық принциптерге негізделген мазмұнның сапалы өзгеруі болады.
«ҰБТ студенттерді іріктеудің тиімді құралы және ЖОО-дағы оқу траекториясын қадағалаудың бастапқы нүктесі болуы тиіс. Тестілеудің барлық сұрақтары фактілерді есте сақтау және жаңғырту мүмкіндігін емес, түлектердің функционалдық сауаттылығын бағалайтын болады», — деп түсіндірді Асхат Аймағамбетов.
