2020 жылы Токиода өтетін Паралимпиадалық ойындарда 200 метр қашықтықта (KL2) жалғыз байдаркашылардың алдын ала старты өтті.
Жарысқа Қазақстан атынан Бибарыс Спатай қатысты. Жарыста ол алтыдан төртінші болып жартылай финалға жолдама алды. Бірінші орын ғана финалға тікелей жолдама береді. Жартылай финал ертең, 3 қыркүйекте өтеді.
Еске салайық, өтіп жатқан Паралимпиада ойындарында Қазақстанның қоржынында 5 медаль бар: пауэрлифтингтен бір алтын медаль (Давид Дегтярев), парадзюдодан үш күміс медаль (Ануар Сариев, Теміржан Дәулет және Зарина Байбатина) және жүзуден қола медаль (Нұрдәулет Жұмағали) . Ойындар 5 қыркүйекке дейін жалғасады.
0
