Қарағанды облысының прокуроры Құсайын Игембаевтың төрағалығымен мүмкіндігі шектеулі адамдардың құқықтарын сақтау мәселесі бойынша алқа отырысы өтті. Жұмысқа уәкілетті органдардың басшылары мен қоғамдық бірлестіктердің өкілдері қатысты.
Отырысты ашқан облыс прокуроры Мемлекет басшысының жыл сайын мүгедектігі бар адамдар үшін кедергісіз орта қалыптастыру, оның ішінде әлеуметтік инфрақұрылым объектілерін паспорттау және бейімдеу арқылы қалыптастыру бойынша міндеттер қойып отырғанын атап өтті.
Бұл үшін облыс прокуратурасы уәкілетті органдармен бірлесіп мүгедектігі бар адамдарды қоғамдық өмірге тарту бойынша жұмыс жүргізуде. Көрсетілетін көмек сапасын жақсарту бойынша жоспарлар әзірленіп, жобалар қабылданды.
«Бірқатар шешілмеген мәселелер бар. Бұл мүгедектігі бар адамдарға арналған арнайы құрылғылары бар қоғамдық көліктің жетіспеушілігі, инклюзивті мектептер, түзету кабинеттері мен оңалту орталықтары мамандарының болмауы, жұмысқа орналасу көрсеткіштерінің төмендігі және басқалар», — деп атап өтті Отырыста.
Облыс прокуроры мүгедектігі бар адамдардың құқықтарын қорғау жөніндегі тапсырмаларды сапалы орындау, инклюзивті білім беруді дамыту жөніндегі мемлекеттік бағдарламаның іске асырылуын бақылау, жүріп-тұру құралдарымен қамтамасыз ету, дәрілік препараттармен қамтамасыз ету, әлеуметтік қызметтерді уақтылы алу және жұмысқа орналастыру мәселелері бойынша шаралар қабылдау қажеттігін атап өтті.
Отырыста уәкілетті органдар басшыларының қабылданып жатқан шаралар туралы баяндамалары тыңдалды, бірлестік өкілдері өздерінің қиындықтары туралы айтты.
Іс-шараның қорытындысы бойынша уәкілетті органдарға ведомствоаралық жұмыс тобын құру, оған мүгедектігі бар адамдардың қоғамдық бірлестіктерінің өкілдерін қосу, ерекше қажеттіліктері бар адамдардың өмір сүру жағдайларын жақсарту бойынша қосымша шаралар қабылдау тапсырылды және құқықтарды бұзуға жол бермеу бойынша бірқатар нақты нұсқаулар берілді.
