Ерекше қажеттіліктері бар балаларға арналған жаңа қызмет eGov.kz сайтында.
«ҚР цифрлық даму, инновациялар және аэроғарыш өнеркәсібі министрлігінің» Ұлттық ақпараттық технологиялар «АҚ («ҰАТ» АҚ) жүргізген интеграцияларының арқасында ерекше қажеттіліктері бар балалардың ата-аналарына арналған жаңа қызмет онлайн форматқа ауыстырылды. Енді БЖСМ-де және мүгедектігі бар адамдарға арналған спорт мектептерінде оқығысы келетін ерекше қажеттіліктері бар болашақ спортшы балалардың ата-аналары үйден шықпай-ақ электрондық үкімет порталы арқылы онлайн режимде оқуға түсуге құжаттар тапсыра алады eGov.kz», — делінген хабарламада.
Барлық өтінімдер автоматты түрде ҚР Мәдениет және спорт министрлігінің қарауына түседі.
Бұрын қызметті алу үшін спорт мектептеріне өтініш және растайтын құжаттар пакетін ұсыну қажет болатын.
Оқуға түсуге өтініш беру үшін:
— порталда өтінімді толтыру eGov.kz;
— спорт түрін, қосымша білім беру ұйымы орналасқан өңірді таңдау;
— тізімнен оқу орнының атауын таңдау;
— № 031/е медициналық құжаттаманы, сондай-ақ таңдаған спорт түрі бойынша сабақтарға жіберу көрсетілген учаскелік дәрігер берген медициналық анықтаманы тіркеу;
— ЭЦҚ немесе бір реттік СМС пароль арқылы сұрау салуға қол қою.
Сұрау сәтті өңделген жағдайда мемлекеттік органнан өтініш берушінің Жеке кабинетіне өтінімнің орындалуы туралы хабарлама келіп түседі.
«ҰАТ » АҚ үшін басым бағыттардың бірі ерекше қажеттіліктері бар адамдар үшін мемлекеттік қызметтерді онлайн форматта кеңейту және интеграциялау болып табылады. Осылайша, жүргізілген интеграциялардың арқасында мүгедектігі бар адамдарға биыл жеңілдетілген теміржол билеттерін онлайн сатып алу қызметі қолжетімді болды, сондай – ақ 8 қызмет онлайн форматқа шығарылды», — деп атап өтті «ҰАТ» АҚ Басқарма Төрағасы Ростислав Коняшкин.
Электрондық үкімет порталында мүгедектігі бар адамдар үшін барлығы 26 қызмет қолжетімді, оның ішінде: ымдау тілі маманын ұсыну, жеке көмекшіні ұсыну, санаторий-курорттық емдеу, сурдо-тифлотехникалық құралдар, міндетті гигиеналық құралдар, кресло-арбалар, протездік-ортопедиялық көмек көрсету және т. б.
Сонымен қатар, бүгінгі күні eGov.kz порталында туризм және спорт саласында 10-ға жуық қызмет қолжетімді, оның ішінде: спорттық атақтар мен санаттар беру, жергілікті спорт федерацияларын аккредиттеу, спортшылар мен жаттықтырушыларға өмір бойы ай сайынғы материалдық қамсыздандыруды төлеу және басқалар.
