Нұр-Сұлтанда Qanattylar инклюзивті театры ашылды. Бұл туралы Нұр-Сұлтан қаласының әкімі Алтай Көлгінов өзінің Instagram парақшасында хабарлады.
«Біз ерекше қажеттіліктері бар қалалықтарға толық қолдау көрсетуге тырысамыз. «Жастар» театрында «Qanattylar» инклюзивті театры ашылды. Инклюзивті театрдың ерекшелігі-ерекше қажеттіліктері бар адамдарды әлеуметтендіру, олардың әлеуетін ашу, шығармашылықпен айналысуға мүмкіндік беру. Соның ішінде, сабақ есебінен де өзіндік оңалту алады.
Осылайша, сахнада көру, есту, сөйлеу проблемалары бар адамдар, сондай-ақ арбамен қозғалатын адамдар өнер көрсетеді. Театр базасында ерекше адамдар сахна өнерімен, хореографиямен айналысады, мәдени іс — шараларға белсенді қатысады», — деп атап өтті Алтай Көлгінов.
Оның айтуынша, осындай инклюзивті театр ашу туралы ұсыныспен Арнұр Ысқақов жүгінді, оның өзі мүмкіндігі шектеулі адамдардың проблемалары туралы жақсы біледі.
«Бұл идеяны біз қолдап, жүзеге асыра бастадық. Біз үшін ерекше қала тұрғындарын оңалту және әлеуметтендіру үшін жағдай жасау өте маңызды.
Мемлекет басшысының тапсырмасы бойынша оңалту орталықтарының желісі едәуір кеңейтілді, жаңа ТК бірінші қабаттарында әлеуметтік нысандар (Оңалту орталықтары, Медициналық орталықтар) ашылуда, ағымдағы жылдың жазында көру қабілеті бұзылған балаларға арналған балабақша (Сарыарқа ауданы, Кенесары көшесі 9/1) ашылды. Сондай — ақ, паралимпиадалық жаттығу орталығымен бірге ерекше қажеттіліктері бар адамдарға арналған спорт кешенін саламыз», — деп жазды елорда әкімі.
