Семей қаласының әкімі Бақытжан Байахметов Қарағайлы жаңа шағын ауданындағы жұмыс барысымен танысты.
«»Синяя птица» тұрғын үй кешені сияқты нысандардың құрылыс қарқыны жоспарланған кестеге сәйкес жүріп жатыр. Мен үйлер мен пәтерлердің егжей-тегжейлі жоспарын тексердім. «Арена» мәдени-спорт кешенінің сол жағындағы «Синяя птица» көп қабатты үш үй іс жүзінде салынды, қазір ішкі және сыртқы әрлеу жүріп жатыр. Пәтерлердің орналасуы ыңғайлы, кең бөлмелер, терезеден керемет көрініс. Бұл кешен шағын ауданның нағыз әшекейі болатыны сөзсіз, ал пәтерлердің ыңғайлылығы саябақ пен «Арена» субұрқағының керемет көрінісін толықтыратын болады», — деп түсіндірді әкім.
Қала басшысы сондай-ақ, бір уақытта 150 орындық мүгедектігі бар жандарға арналған оңалту орталығының құрылысы басталғанын атап өтті. Ғимараттардың іргетасы қаланды, құрылыстың аяқталу мерзімі – 2023 жылдың басы.
«Бұл Семейге өте қажет нысан, болашақта мүмкіндігі шектеулі жандар білікті ем ала алады», — деп атап өтті Б.Байахметов.
Айта кетейік, Қарағайлы шағын ауданында биыл 16 көпқабатты – 14 несиелік және 2 жалға берілетін үйлер пайдалануға беріледі. Қалған үйлерді біз келесі жылы аяқтаймыз.
Шағын аудан ішінде заманауи жолдар, аулаішілік ойын алаңдары, спорт алаңдары салынады. Жалпы, асфальт төселген тағы алты жол салу жоспарланған. Болашақта Қарағайлыда ауруханалар, мектептер, балабақшалар және тиісті инфрақұрылым салынады.
