Алматы қаласының «Демеу» әлеуметтік қызмет көрсету орталығының» спорт командасы юнифайд-волейболдан республикалық турнирден Қарағандыдан жеңіспен оралды.
Юнифайд спорт– бұл спортшылар (даму ерекшеліктері бар адамдар) және серіктестер (даму ерекшеліктері жоқ адамдар) бір команда үшін жарысатын арнайы жарыстар.
Айта кетейік, «Демеу» әлеуметтік қызмет көрсету орталығы» бірінші және екінші топтағы психоневрологиялық аурулары бар 18 жастан асқан тұлғаларға арналған медициналық-әлеуметтік мекеме. Онда тұратын адамдар аурухана жағдайында арнайы әлеуметтік қызметтерге мұқтаж. Қазір орталықта 700-ге жуық адам тұрады. Көптеген науқастар мұнда жылдар бойы тұрады, сондықтан олардың өмірі физикалық жаттығулармен қатар қызықты оқиғаларға толы болуы маңызды. Спорттық жарыстарға қатысу орталық тұрғындары үшін сирек емес. Олардың көпшілігі футбол, волейбол, дойбы, үстел теннисі командаларының мүшелері. Әрі қалалық, республикалық, халықаралық жарыстарға үнемі қатысып отырады.
Юнифайд-волейболдан «Демеу» командасының құрамында «Демеу» әлеуметтік қызмет көрсету орталығының 4 қызмет алушысы қатысты, олардың ең үлкені 54 жаста, ал ең кішісі команда капитаны 30 жаста. Турнирге Қазақстанның әр өңірінен барлығы 19 команда қатысты (Орал, Астана, Ақмола облысы, Қарағанды, Майқұдық, Жолымбет, Шаңтөбе, Саран).
Осыған дейін орталықтың тағы бір футбол командасы Павлодар қаласында өткен футболдан республикалық турнирде екінші орын алған болатын. Ал 2020 жылы орталықтың командасы Латвияның Каунас қаласында өткен «Еуропа футбол апталығы» аясында өткен юнифайт-шағын футболдан республикалық турнирде бірінші орынды жеңіп алды.
Орталық директоры Данипа Ысқақованың айтуынша, спорт – денсаулық, күш, сұлулық, қарым-қатынас. Сондықтан Орталықта оған қызметкерлер арасында да, қызмет алушылардың арасында да ерекше орын береді.
«Орталық аумағында спорт кешені – футбол, волейбол, баскетбол алаңдары бар. Онда филиалдың қызмет алушылары мен қызметкерлері арасында жарыстар өткіземіз. Сабақтар мен оқу-жаттығулар тұрақты түрде жүргізіледі, сондықтан 19 команда арасындағы Республикалық юнифайт-волейболдан біздің қызмет алушылар лайықты бірінші орынды иеленді деп ойлаймын. Сондай-ақ біздің қызметкерлер қалалық және республикалық жарыстарға, соның ішінде «Алматы марафондары» марафондарына, сондай-ақ Astana half marafon-2023 халықаралық марафондарына белсенді қатысатынын қосқым келеді», — деді ол.
Орталықтың қызмет алушыларының бірі, 2 жылдан бері тұрып жатқан Байкенов Дәулет алғаш келгенде не істерін білмей жүргенін айтты. Бірақ кейін ол орталықтың спорттық өміріне араласып, енді өмірін ойынсыз елестете алмайды.
«Орталықтағы алғашқы апталарда мен басқалардың футбол мен волейбол ойнағанын көрдім. Ойыншылардың командалық рухы мені баурап алып, ақырындап спортқа тартыла бастадым. Мен бос уақытымның барлығын дерлік спортқа арнаймын. Мен волейбол командасының негізгі тізіміне алғаш қабылданғанда қатты қуандым, биыл капитан болып сайландым. Ал, Қарағандыда өтетін жарыстар туралы білген бойда біз қызу дайындыққа кірістік, бұл бірінші орын алуымызға көмектесті. Спорттың арқасында Қазақстанның түкпір-түкпірінде көптеген достарым бар», – деді орталық тұрғыны.
