Ұлттық статистика бюросының мәліметі бойынша 2020 жылы өмір сүру ұзақтығы 71,37 жасты, Worldometer мәліметтері бойынша 73,9 жасты құрады.
Ағымдағы жылдың 1 қыркүйегінде Қазақстан Республикасындағы халық саны 19 млн адамды құрады, бұл бір жыл бұрынғы көрсеткіштен 1,4%-ға артық, деп хабарлайды Ranking.
Ерлер 1,5%-ға – 9,2 млн адамға, әйелдер – 1,3%-ға, 9,8 млн адамға өскен. Ағымдағы жылдың басында халық саны 18,9 млн адамды құрады (бір жыл бұрынғыдан 1,3%-ға артық), оның ішінде әйелдер 9,7 млн адамды, ерлер – 9,2 млн адамды құрады. 1000 ер адамға 1061 әйелден келеді. Мысалы, 2017 жылы 1000 ер адамға 1067 әйелден келген болатын. Көрсеткіш жылдан жылға біртіндеп төмендеп келеді.
Ел халқының орташа жасы жыл басында 31,9 жасты құрады, оның ішінде әйелдердің орташа жасы – 33,5 жас, ерлер – 30,2 жас.
Жыл басына қарай елде 3,36 миллион кәмелетке толмаған ұлдар болса, 3,17 миллион кәмелетке толмаған қыз бала өмір сүрді. Яғни, кәмелетке толмағандар арасында қыздар саны ұлдарға қарағанда 5,7 пайызға төмен. Сонымен қатар Қазақстанның ересек жастары арасында (19-29 жас) қыздардың саны да ұлдар санынан 3,3%-ға төмен. Елде 1,4 миллион ұл және 1,36 миллионнан сәл азырақ қыз бала болды.
Тек 30 жастан бастап өте қартайғанға дейін әйелдер саны ерлер санынан бірте-бірте асып кете бастайды. Айырмашылық 2,9%-дан басталып, 2,6 есеге дейін жетеді.
2020 жылы Қазақстанда 426,8 мың сәби дүниеге келді (220,8 мың ұл және 206 мың қыз), бұл бір жыл бұрынғыдан 6,1%-ға артық. Облыстық жағдайда ең көп бала Түркістан облысында дүниеге келген: 61,3 мың бала. Алматы облысы мен Алматы қаласы да осы көрсеткіштер бойынша үштікті құрап отыр.
Туылған ұлдар санының қыз балалардың санынан асып түсуі Қазақстан Республикасының барлық 17 облысында байқалады. Ең үлкен айырмашылық Маңғыстау облысында тіркелді, онда ұлдар қыздарға қарағанда 9,2%-ға көп дүниеге келген.
Ұлттық статистика бюросының мәліметі бойынша, 2020 жылы туылғандағы күтілетін өмір сүру ұзақтығы 2019 жылғы 73,18 жаспен салыстырғанда 71,37 жасты құрады. Халықтың туылғандағы ең жоғары өмір сүру ұзақтығы Алматы, Нұр-Сұлтан және Алматы облысында, ең төмен көрсеткіш Солтүстік Қазақстан, Ақмола және Қызылорда облыстарында тіркелді.
Жынысы бойынша ерлердің өмір сүру ұзақтығы 67,09 жасты, ал әйелдердікі 75,53 жасты құрады. Өмір сүру ұзақтығының айырмашылығы 8,44 жасты құрады.
Worldometer мәліметтері бойынша, 2020 жылы әлем халқының орташа өмір сүру ұзақтығы 73,2 жасты құрады: әйелдер үшін 75,6 жас және ерлер үшін 70,8 жас. Ең ұзақ өмір сүру ұзақтығы Гонконгта тіркелді: 85 жас. Үздік үштікке Жапония мен Макао да кіреді. Ең төмен өмір сүру ұзақтығы Орталық Африка Республикасында (барлығы 54,36 жас) және Чадта (55,17 жас) тіркелді.
Бұл рейтингте Қазақстан 105-ші орынға ие болды (көрсеткіш ресми көрсеткіштен әлдеқайда жоғары көрсетілген). Рейтингке барлығы 202 мемлекет қатысты.
Ондаған «ұзақ өмір сүретін елдердің» ішінде өмір сүру ұзақтығының ең аз айырмашылығы Исландияда байқалды (әйелдердің пайдасына небәрі 2,75 жас). Әйелдер мен ерлердің өмір сүру ұзақтығының айтарлықтай айырмашылығы посткеңестік елдерде байқалады: Литва (10,73 жас), Ресей (10,53 жас), Беларусь (9,75 жас), Украина (9,71 жас) және Латвия (9, 56 жас). Қазақстан жынысына байланысты өмір сүру ұзақтығының ең үлкен айырмашылығы бар он елдің қатарына қосылды.
Статистика комитетінің мәліметінше, 2018 жылы Қазақстанда өмір сүру ұзақтығы 73,15 жасты құрады. БҰҰ мәліметінше 2019 жылы бұл көрсеткіш 73,22 болған. Қазақстан сол кезде әлем елдері арасында 110-орынға ие болды.
Болжамды параметр белгілі бір жылы туылғандардың болжамды / күтілетін өмір сүру ұзақтығы болып табылады.
