Оған мемлекеттік тілді жетік меңгерген 200 мыңнан астам түрлі ұлт өкілдері қатысты.
Оның ішінде 50-ге жуық адам марапатқа ие болды. Барлығы дипломдармен марапатталды, смарт сағаттар сыйға тартылды.
Байқау Қазақстан халқы Ассамблеясының бастамасымен алтыншы жыл қатарынан өткізіліп отыр.
Әскер Пириев, «Ахыска» түрік этномәдени бірлестігінің төрағасы:
– Бұл бірегей жоба, себебі кез келген жас, мектеп, жоғары оқу орындарының студенттері алты бағыттың бірінде өз мүмкіндіктерін көрсете алады, шығармашылық қабілетін көрсете алады. Ең бастысы кең байтақ Қазақстанымыздың түрлі этнос өкілдері мемлекеттік тілде шешендік өнерін көрсете алатын бірегей алаң. Сондықтан мен оны бірегей жоба деп атаймын.
Ақтоты Райымқұлова, Тараз қаласы №40 мектеп-гимназиясының қазақ тілі пәнінің мұғалімі:
— Авторлық курсы бар «Ұстаздар мектебі» номинациясы бойынша байқаудың жеңімпазы атандым. Қатысқаныма өте қуаныштымын, себебі бұл маған үлкен мотивация береді, мен жас мұғалім ретінде балаларыма, әріптестеріме үлгі бола аламын. Бізде осындай жоба болғанына өте қуаныштымын.
