Қазақстан Республикасының Президенті Қасым-Жомарт Тоқаев ҚСҰК отырысында балаларын жалғыз тәрбиелеп отырған ата-аналар үшін ерекше жұмыс жағдайын жасауды тапсырды.
Тоқаевтың айтуынша әйелдер ерлерге қарағанда жұмыс пен бала күтімі міндеттерін біріктіреді. Ал әйел декреттік демалысқа шыққанда кәсіби шеберлігі мен құзыреттілігін жоғалтады.
Соның салдарынан көбінің еңбек нарығында бәсекеге қабілеттілігі төмендейді. Бірақ ең қиыны жалғызбасты ата-аналар үшін балаларына дұрыс бақылауды ұйымдастыру қиынға соғады.
Елбасы жалғыз басты ата-аналар үшін ерекше еңбек жағдайын жасау керектігін атап өтті.
«Заңнамалық деңгейде жалғыз басты ата-аналардың қашықтан жұмыс форматына және жұмыспен қамтудың жеңілдетілген тәртібіне құқығын қамтамасыз ету қажет. Дамыған елдерде ірі компаниялар өз кеңселерінде балалар бөлмелерін жиі ашады. Бұл тәжірибе біздің елде де қалыпты жағдайға айналуы тиіс», — деді Елбасы.
Қасым-Жомарт Тоқаев осы санаттағы жұмысшылардың мүдделерін ескере отырып, елдегі еңбек тәртібін реттеудің тиімді тетіктерін енгізу қажет деп қосты. Бірақ жұмыс процестерінің үздіксіздігін және сәйкес өнімділікті қамтамасыз ету де маңызды.
