Шымкентте 29 жастағы қолының ұшы жоқ, «хрусталь ауруымен» туылған, балалар үйінің тәрбиеленушісі Заретта Құрманғожинова тұңғыш сәбиін дүниеге әкелді, — деп хабарлайды «Отырар» басылымы.
Басына түскен сынақтарына қарамастан, Заретта ән айтады, тіпті билейді. Жақында ол Даниал есімді дені сау ұлдың анасы атанды.
«Дәрігерлерге рахмет. Балама жақсы тәрбие беру үшін бар күшімді саламын. Қолымнан келеді деп ойлаймын. Ұлыма Даниал деген есім бердім», — дейді ол.
Жас ана қалалық перинаталдық орталықтың бас дәрігері Тимирхан Варзиловқа, анестезиолог Александр Конищевке, акушер-гинеколог Ұлжан Сейділлаева мен терапевт Лейла Қарасаеваға алғысын білдірді.
+1
