16-19 желтоқсан аралығында Нұр-Сұлтанда елорда әкімдігінің ұйымдастыруымен ауыл шаруашылығы жәрмеңкесі есігін айқара ашады. Бұл туралы қала әкімдігінің ресми сайты хабарлайды.
Келушілер таңғы 8-ден кешкі 17.00-ге дейін ең қажетті азық-түліктерді сатып ала алады. Онда Ақмола, Павлодар, Қарағанды, Шығыс Қазақстан облыстарының тауар өндірушілері, сондай-ақ астаналық аграрийлер өз өнімдерін ұсынады.
Жәрмеңкеде азық-түлік өнімдерінің барлық түрі сатылады: сүт, азық-түлік, шұжық, ұн, балық және т.б.
Келушілер сиыр етін – 2000 теңге/кг, жылқы етін – 2200 теңге/кг, қазы, жаяны – 2500 теңге/кг-ға сатып ала алады.
Айта кетерлігі, жәрмеңке санитарлық нормаларды сақтай отырып өтеді. Келушілер мен қатысушылар бетперде киіп, қол гигиенасын сақтап, әлеуметтік қашықтықты сақтауға міндетті.
Алдағы уақытта жәрмеңке апта сайын сенбі және жексенбі күндері Пригородный тұрғын алабында, Арнасай көшесі, 109 ғимаратта тұрақты түрде өткізіліп отырады.
