«Астана жастары» КММ еріктілері жалғыз басты зейнеткерлердің аулаларын қардан тазартты. Мұндай акциялар елордада үнемі өткізіліп тұрады.
Қар тазалау акциясына 30-ға жуық еріктілер қатысты.
«Біз жалғызбасты ата-әжелерге, зейнеткерлерге көктемде су тасқынынан аулақ болу үшін қар жинауға көмектесеміз. Мұндай шаралар үнемі өткізіліп тұрады, сондықтан біз үшін бұл үйреншікті іс», — деді «Астана жастары» ЖРО маманы Дамир Айтымов.
Айта кетейік, қар жинау жұмыстары еріктілердің жұмыс жүктемесіне байланысты ұйымдастырылады. Көмекке мұқтаж қарттардың кестесі мен тізімдері жасалды. Мұндай акциялар жыл сайын қар жауған кезде өткізіледі.
Елорда тұрғыны, зейнеткер Нұргүл Оспанова еріктілерге көрсеткен көмегі үшін алғысын білдірді.
«Осы балаларды өсіріп, дұрыс тәрбиелеген ата-аналарға алғыс айтқым келеді. Мен көмек сұрадым, өйткені бүкіл аула қарға толды. Балалар маған бірден көмектесуге келді. Жастарымыз гүлденіп, дені сау болсын», — деді Астана тұрғыны.
Сонымен қатар, Нұргүл Оспанова қала әкімдігіне Көктал-1,2 тұрғын үй алаптарын абаттандырғаны үшін алғыс айтты.
«Көктал-1,2 тұрғын алаптарында балалар алаңын, саябақ салғандарыңыз үшін әкімдікке рахмет. Сондай – ақ, Сарыарқа әкімдігі бізге жылы аялдама орнатты-біз балаларымыз автобусты күтіп, тоңып қалады деп алаңдамаймыз. Жақында біз жолды жөндедік. Барлық жағдай жасалуда», — деді зейнеткер.
