Ерекше бала тәрбиелеп отырған аналардың мәселелерін Павлодарда жұмыс сапарымен жүрген Мәжіліс депутаттары, «Nur Otan» партиясы фракциясының мүшелері Айгүл Нұркина, Анатолий Бойчин және Вера Ким тыңдады.
Кездесу «Кедергісіз келешек» партиялық жобасы аясында өткізілді.
Мүмкіндігі шектеулі балалардың ата-аналары депутаттар алдында мүгедектігі бар адамдардың тұрғын үй бағдарламаларына қатысуына қатысты бірқатар проблемалық мәселелерді көтерді. Ерекше мәселе — дәрі-дәрмектер мен жеңілдетілген дәрі-дәрмектерді жеткізудегі қиындықтар, техникалық құралдардың жетіспеушілігі, қымбат дәрі-дәрмектерді сатып алу.
Сондай-ақ, жеке көмекшілерге жалақы есептеу, 1-2 топтағы мүгедектігі бар және бала кезінен мүгедектігі бар адамдарға күтім жасайтын адамдардың зейнеткерлік жасын төмендету мәселелерін қайта қарау ұсынылды.
Сонымен қатар, балалар үшін мүгедектік санаттарын анықтау критерийлерін қайта қарау, олардың ата-аналарының зейнеткерлік жасын төмендету қажеттілігі туралы сөз болды. Кездесуге қатысушылардың пікірінше, ақыл-ой кемістігі бар адамдардың проблемаларына ерекше назар аудару қажет.
Кездесу қорытындысы бойынша депутаттар барлық мәселелер ерекше бақылауға алынғанын, қажетті шешімдер қабылдау үшін егжей-тегжейлі зерделенетінін атап өтті.
