Елордалық № 65 мектеп-гимназиясында «жаңа мүмкіндіктер мектебі» жобасы аясында инклюзивті білім беруді қолдау кабинеті ашылды, ол «Амалтейдің» автоматтандырылған психодиагностика және түзету құралдарымен жабдықталған.
Балалар жылы аясында және Мемлекет Басшысы Қасым-Жомарт Тоқаевтың саясатын қолдау мақсатында «жаңа мүмкіндіктер мектебі» пилоттық жобасы іске асырылуда. Оны іске асыру «Амалтея» aвтоматтандырылған компьютерлік жүйелері негізінде Ерекше білім беру қажеттіліктері бар балаларға арналған мектептерде қолжетімді түзету-дамыту ортасын құруға бағытталған. Бұл жобаның авторлары- “Астана дарыны» дарындылықты дамыту және психологиялық қолдау орталығы және «Co-Make» қoғамдық қоры.
«Ерекше білім беру қажеттіліктері бар балалар білікті психологиялық-педагогикалық қолдауды қажет етеді. Инновациялық технологиялардың арқасында педагог-психологтарға түзету-дамыту бағыттарын анықтау және денсаулық мүмкіндігі шектеулі балалардың әрбір санатының, дамудың әрбір жас кезеңінің және білім беру деңгейінің оңтайлы ерекше білім беру қажеттіліктерін таңдау мүмкіндігі беріледі. Айта кету керек, «Амалтея» ЖЗҚ инклюзивті білім беру форматында білім алушылардың осы санаты үшін түзету-дамыту жабдығы қазіргі заманғы жетістік болып табылады», – деп атап өтті ашылу салтанатында «Астана дарыны» орталығының директоры Ғаждембек Тұрсынов.
Оның айтуынша, кабинет ашу үшін №65 мектеп-гимназияны кездейсоқ таңдаған жоқ, мұнда есту, тірек-қимыл аппараты бұзылған және церебралды сал ауруы бар 215 бала оқиды.
«Co-Make» Қоғамдық Қоры жүзеге асыратын жоба аясында № 65 мектеп-гимназиясының педагог-психологтары оқудан өтіп, сертификаттар алады. Педагог-психологтар «Амалтея» инновациялық жабдығын пайдалана отырып, ерекше білім беру қажеттіліктері бар балаларға диагностикалық, түзету-дамыту жұмыстарын жүргізе алады.
