Қазақстанда зейнетақы мен жәрдемақыны индекстеуге болады.
Үкімет аясында Ұлттық экономика министрі Әлібек Қуантыров журналистердің инфляцияның өсуіне байланысты зейнетақы мен жәрдемақының өсуі мүмкін бе деген сұрақтарына жауап берді.
«Біз әлеуметтік-экономикалық даму болжамын жасап жатырмыз, оны нақтылап жатырмыз. Көктемгі түзету кезінде бюджетке қандай инфляцияны енгізетінімізге байланысты зейнетақылар мен жәрдемақылардың тағдыры да түсінікті болады. Бірақ мұны біз ғана емес, Ұлттық банкпен бірлесіп жасаймыз», — деп жауап берді ол.
Сонымен қатар, министр Ұлттық банк инфляцияға көп дәрежеде жауапты екенін еске салды, өйткені ол инфляциялық таргеттеу саясатын жүргізеді.
«Тиісінше, егер біз инфляциялық дәлізді қазіргіден жоғары қоятын болсақ, онда зейнетақылар мен жәрдемақыларды индекстеу болады. Бұл мүмкін», — деп түйіндеді Қуантыров.
