Елорда әкімдігі мемлекеттік-жекеменшік әріптестік аясында әрі қарай «Астананың тұрақ кеңістігі» ЖШС басқарушы компаниясына беріле отырып, ақылы автотұрақ орындарын белгіледі.
Бұл ретте мұндай тұрақтарда мүгедектігі бар адамдарға тіркелген көлік құралдарын тегін орналастыру көзделген.
Талдау көрсеткендей, осы көлік иелерін әкімшілік жауапкершілікке тарту мүгедектігі бар жандарды көзделген жеңілдіктерді пайдалану мүмкіндігінен айыра отырып, техникалық құралдардың («Күзет-М») көмегімен автоматты режимде жүзеге асырылады.
Анықтама үшін: паркоматпен жабдықталған автотұрақ үшін төлем жасаудан жалтарған жағдайда 3 АЕК көлемінде айыппұл қарастырылған (ӘҚБтК-нің 597-бабының 4-1-бөлігі).
Нұра аудандық прокуратурасының қадағалау актілерімен аталған санаттағы 40 заңсыз әкімшілік материалдың күші жойылды.
Елордада тұратын мүгедектігі бар адамдарға тіркелген автокөлік құралдарын орнату бойынша жұмыс жүргізілді.
Халықтың арнаулы топтарының құқықтарын қорғау және өмір сүру жағдайларын жақсарту мақсатында Нұра ауданының прокуратурасы «жеңілдіктер тізіліміне» енгізе отырып, бала кезінен мүгедектігі бар адамдарға және I, II топтағы мүгедектігі бар адамдарға тіркелген 4 636 көлік құралын белгіледі.
Осылайша, азаматтардың аталған санаттары тиісті жол белгілерімен немесе таңбаларымен белгіленген орындарда көлік тұрағы үшін ақы төлеуден, сондай-ақ оларға әкімшілік айыппұл салудан, оның ішінде автоматты түрде төлеуден босатылады.
Азаматтардың құқықтары мен заңды мүдделерін қорғау прокуратура органдарының бірінші кезектегі міндеті болып табылады.
