Нұр-Сұлтан қаласының Зағип және көру қабілеті нашар азаматтарға арналған арнайы кітапхана «орталықтандырылған кітапхана жүйесі» КММ Толқын Қабылша авторымен «Осы бір сәт ұнайды» аудиокітапының тұсаукесерін өткізді.
Аталған іс-шара — «Дыбыстандырылған әлем» жобасы аясында зағип жандарға арналған кітаптарды дыбыстау бойынша кітапхана жұмысының нәтижесі.
«Елордада арнайы кітапханада мазмұнды іс-шара өтті. Бұл кездесу өте жылы, ерекше әсер қалдырды. Себебі мұнда оқырмандар көру қабілетінің нашарлығына қарамастан, қазақ поэзиясына өте құштар. Менің ойымша, бүгін туылған аудиокітап-оқырмандар үшін поэтикалық әлемге сыйлық. Мұнда өмірді жақсы көретін, нәзік жүрегі бар адамдар. Осындай адамдар бар әлемде махаббат пен мейірімділік мәңгілік», — деді Қазақстан Жазушылар одағының мүшесі Толқын Қабылша.
Тұсаукесер поэтикалық кеш, оқырман мен автор арасындағы диалог, автордың қолтаңбаларын таратумен фото-сессия және арнайы келген зиялы қауым өкілдерінің пікір алмасуы, пікірталас форматында өтті.
Іс-шараға кітапхана оқырмандары, зағип жандар, оқушылар қатысты.
