Түркістанда қоғам белсенділері ерекше қайырымдылық шарасын ұйымдастырды.
Олар дамуында ерекшеліктері бар 10 баланы таңдап, оларға өздерінің асыл тілектерін хатта жазуды тапсырды. Кішкентай түркістандықтардың арманын жүзеге асыруға жергілікті меценаттар көмектеседі. Сонымен қатар, балаларға арналған концерт өткізіліп, планшеттер сыйға тартылды.
Сағынбек Асылбеков, Amanat партиясы аудандық филиалының жауапты хатшысы:
— Балаларымыз дамып, бақытты болып өсуі үшін барлық күш-жігерді жұмсау керек.
Ол үшін қоғамдық, саяси ұйымдар мен мемлекеттік қызметкерлер бірлесе жұмыс істеуі тиіс. Бұл жобаға қолдау көрсеткен демеушілерге алғысымыз шексіз.
0
