Біреулер аяқ киім тігеді, енді біреулері ағаш оюмен айналысады. Солтүстік Қазақстан облысында мүмкіндігі шектеулі тұрғындар өз ісін дамытуға 10 грант алды.
Сергей Сапко ағаш өңдеуші. Шағын шеберхананы жалға алып, кесетін тақтай, илем, қасық және басқа да ыдыстарды жасайды. Ол қажетті құрал-жабдықтарды алып, шеберханасында сағаттап отырады.
Сергей Сапко, Петропавл қаласының тұрғыны:
– Әрине, өзіңе сенген дұрыс. Егер сіз өзіңізден бас тартпасаңыз, басқалар сізге қарап, бәрібір ойлана бастайды. Жай отыру мен үшін емес. Мен жерде өстім, бақшам болса ғой… Бос отыруға дағдыланбаған 66 жастағы зейнеткер Шамиль Резванов. Ұзақ жылдар аяқ киім жөндеуші болып жұмыс істесе, қазір тәпішке, қолғап тігумен айналысады.
Шамиль Резванов қолөнер жәрмеңкелеріне қатысады, балық өсірумен және сатумен айналысады. Зейнеткер: егер қалауыңыз болса, сіз әрқашан өзіңізге ұнайтын нәрсені таба аласыз,- деп атап өтеді.
Шамиль Резванов, Петропавл қаласының тұрғыны:
– Бәрі адамның өзіне байланысты. Егер адам бір нәрсеге бейімделгісі келсе, оған қаншалықты қиын болса да, жұмыс істейді.
Солтүстік Қазақстан облысында жыл басынан бері 250-ден астам ерекше қажеттіліктері бар адам жұмысқа орналастырылды. Он мүмкіндігі шектеулі тұрғын өз ісін дамытуға грант алды.
