Талдықорғандағы 14 пәтер арнайы комиссияның тексерісінен кейін мемлекет меншігіне қайтарылды.
Талдықорған қаласы әкімінің баспасөз қызметінің хабарлауынша, қала бойынша 1000-нан астам пәтер мен тұрғын үй тексерілуге жатады. Әкімдіктегілердің айтуынша, кезінде баспаналар заңсыз берілген.
«Алдағы уақытта барлық қайтарылған пәтерлер бұйрыққа сәйкес қолданыстағы заңнамаға сәйкес қаламыздағы кезекке беріледі. Бұл ретте, бұрын анықталған заң бұзушылықтарға байланысты 14 пәтердің қайтарылғанын хабарлаймыз, олар кезекте тұрғандарға таратылды. Кейбіреулері көшіп кеткен, бірақ пәтерлер соларға тіркеліп, бос тұрған. Ал кейбірінде туыстары тұрған», — деп хабарлады әкімдіктегілер.
Өз кезегінде Талдықорған қаласы әкімінің баспасөз хатшысы Мәди Шәкенов тәркіленген пәтерлердің қазіргі және бұрынғы мемлекет қызметшілеріне тиесілі болғанын растады.
