Қазақстанның аймақтарында Бала құқықтары жөніндегі уәкіл лауазымы енгізілуде. Енді әр аймақтың өз өкілі болады, олардан балалар да, ата-аналар да көмек сұрай алады. Бұл туралы ҚР Білім министрлігінің баспасөз қызметі хабарлады.
Бала құқықтары жөніндегі уәкілдер баланың құқықтары мен заңды мүдделерінің бұзылуы туралы өтініштерді, жергілікті атқарушы органдардың және басқа да ұйымдардың әрекеттеріне немесе әрекетсіздігіне шағымдарды қарастырады. Олар сондай-ақ балаларды қорғау саласындағы мәселелерді шешуге арналған заң жобаларын ілгерілетуге қатысады.
Бұл ретте бала құқықтары жөніндегі уәкілдер мемлекеттік органдар мен білім беру, денсаулық сақтау, мәдениет, спорт және халықты әлеуметтік қорғау ұйымдарына кедергісіз қол жеткізе алады.
Бала құқықтары жөніндегі уәкілдер қоғамдық негізде жұмыс істейтін болады.
Үкімет қаулысымен бұл лауазым енді барлық облыстар мен республикалық маңызы бар қалаларға енгізілуде. Балалардың құқықтарын қорғау жөніндегі облыстық уәкілдерді облыстардың және республикалық маңызы бар қалалардың әкімдері тағайындайды. Білім министрлігі Балалардың құқықтарын қорғау комитеті төрағасының орынбасары Элина Паули.
Бала құқықтары жөніндегі өңірлік уәкілдерді таңдаудың негізгі критерийлері үміткердің бала саласындағы, үкіметтік емес ұйымдардағы немесе қоғамдық қызметтегі тәжірибесі болып табылады.
Тағайындауда өтініш берушінің балалардың құқықтарын қорғауға қосқан үлесі де ескеріледі. Бұл аймақта құрметті, балалардың құқықтарын қорғауда тәжірибесі бар және өз ұстанымы бар тұлғалар болуы керек,- дейді Элина Паули.
Қазірдің өзінде жеті облыста бала құқықтары жөніндегі уәкілдер тағайындалған. Олардың арасында үкіметтік емес ұйымдардың, қоғамдық бірлестіктердің жетекшілері мен заңгерлер бар.
