Жедел штаб отырысының соңында Мемлекет басшысы орман өртінен зардап шеккен Аманқарағай ауылының аумақтарын аралап көрді.
Содан кейін Президент Әулиекөл ауылындағы мектеп базасында орналасқан эвакуациялық пунктке барып, зардап шеккен азаматтармен кездесті және гуманитарлық көмекті тарату пунктінің жұмысымен танысты.
Зардап шеккендермен әңгімесінде Қасым-Жомарт Тоқаев Үкімет қиын жағдайдан шығу үшін барлық шараларды қабылдайтынын айтты.
— Өкінішке орай, үлкен өрт болды. Дегенмен, көмек көрсетіледі. Сіз үйлеріңізді жоғалтқаныңызды білемін. Үкімет екі, екі жарым ай ішінде сізге жаңа үйлер салады, және олар сіздің бұрынғыларыңыздан әлдеқайда жақсы болады, – деді Мемлекет басшысы.
Президент еріктілермен әңгімелесті және оларға көрсеткен көмегі үшін алғысын білдірді.
