Парадзюдодан әлем чемпионатының бірінші жарыс күні аяқталды. Бірінші күннің қорытындысы бойынша Қазақстан құрамасының командасы 4 медаль жеңіп алды: 2 «алтын» және 2 «қола».
J2-48 келі салмақ дәрежесінде финалда қазақстандық Ақмарал Науатбек Франция өкілі Ауриерес Мартинет Сандринді «иппонмен» айқын басымдықпен ұтты. Елге екінші алтынды 73 келі салмақта Ерғали Шәмей Германия спортшысы Сасс Леннартты 1:0 есебімен жеңіп әкелді.
Чемпионаттың қола жүлдесін қазақстандық Даяна Федосова (-57 келі) мен Олжас Оразалыұлы (-73 келі) жеңіп алды.
8-11 қараша аралығында Бакуде көру қабілеті нашар спортшылар арасында парадзюдодан әлем чемпионаты өтуде. Жарысқа әлемнің 41 елінен 270 дзюдошы қатысуда. Чемпионатта Қазақстан атынан 18 спортшы қатысуда.
0
