Қиын өмірлік жағдайға тап болған жұмыс істейтін қазақстандықтар Мемлекеттік әлеуметтік сақтандыру қорынан материалдық көмек ала алады. Жаңа жылдан бастап кейбір әлеуметтік төлемдерді көбейту туралы шешім қабылданды.
2023 жылдың 1 қаңтарынан бастап қазақстандықтарды бірқатар өзгерістер күтіп тұр. Мәселен, олардың бірі Мемлекеттік әлеуметтік сақтандыру қорынан төленетін әлеуметтік төлемдерге қатысты болады.
Бұған дейін Үкіметтің еңбекке қабілеттілігін жоғалтқан қазақстандықтар мен асыраушысыз қалған отбасыларға төленетін төлем көлемін арттыру жоспары туралы айтқан болатынбыз.
Енді тиісті қаулы бекітіліп, оған ҚР Премьер-Министрі Әлихан Смайылов қол қойды және ол Қазақстан Республикасы нормативтік құқықтық актілерінің эталондық бақылау банкінің сайтында жарияланды.
«2023 жылғы 1 қаңтардан бастап 2023 жылғы 1 қаңтарға дейін тағайындалған мүгедектік және асыраушысынан айырылу жағдайлары бойынша Мемлекеттік әлеуметтік сақтандыру қорынан төленетін әлеуметтік төлемдердің мөлшері алынған әлеуметтік төлемдер сомасының 8,5 пайызға ұлғайтылсын», — делінген қаулыда.
Осылайша, жаңа жылдан бастап Мемлекеттік әлеуметтік сақтандыру қорынан аталған әлеуметтік төлемдерді алушылар айтарлықтай өсім алады.
Еске салайық, бұл 2023 жылы енгізілген жалғыз өзгеріс емес. Келесі жылдан бастап Қазақстанда да сәби тәрбиелеп отырған ата-аналарға жәрдемақы мен әлеуметтік жәрдемақы алу мерзімі ұлғайтылаяды.
