Жаңа жылдан бастап күшіне енетін негізгі әлеуметтік көрсеткіштер бекітілді.
Президент Қасым-Жомарт Тоқаев бір күн бұрын қол қойған «2023-2025 жылдарға арналған республикалық бюджет туралы» заң жарияланды.
Заң 2023 жылғы 1 қаңтардан бастап:
ең төменгі жалақы 70 000 теңге;
мемлекеттік базалық зейнетақы төлемінің ең төменгі мөлшері – 24 341 теңге;
ең төменгі зейнетақы – 53 076 теңге;
айлық есептік көрсеткіш – 3 450 теңге;
базалық әлеуметтік төлемдердің мөлшерін есептеу үшін ең төменгі күнкөріс деңгейі – 40 567 теңге.
Құжатқа сәйкес, жасына байланысты зейнетақы төлемдеріне және көп еңбек сіңіргені үшін зейнетақы төлемдеріне бөлінген қаражат олардың мөлшерінің 2023 жылғы 1 қаңтардан бастап 10,5%-ға ұлғаюы ескеріле отырып беріледі.
Сондай-ақ, 2023 жылғы 1 қаңтардан бастап әлеуметтік медициналық сақтандыру қорына төленуге жататын міндетті әлеуметтік медициналық сақтандыру бойынша мемлекет жарналарының мөлшері мемлекеттік жарналарды есептеу объектісінің 1,8%-ы мөлшерінде белгіленді.
Тұрғын үйді ұстауға және коммуналдық төлемдерді төлеуге арналған ақшалай өтемақылардың ай сайынғы мөлшері әскери қызметшілерге (мерзімді қызметтің әскери қызметшілерінен басқа) және арнаулы мемлекеттік және құқық қорғау органдарының, мемлекеттік фельдъегерлік қызмет қызметкерлеріне 3 739 теңге мөлшерінде белгіленді.
