Қарағанды облысының Шахтинск қаласында №6 облыстық психологиялық-медициналық-педагогикалық кеңес (ПМПК) ашылды. Ол Шахтинск, Саран, Абай және Нұра аудандарындағы туғаннан 18 жасқа дейінгі ерекше білім беруді қажет ететін 50 мыңнан астам балаға қызмет көрсетеді, деп хабарлады Қарағанды облысының әкімдігі.
Жаңа ПМПК №3 орта мектепте орналасқан. Консультацияны өткізуде жылына шамамен 800 балаға бейімделген, бұл облыстың жұмыс істеп тұрған ПМПК-не балалардың кезегін екі есеге азайтады.
«Ерекше білім беруді қажет ететін балаларды оқыту мәселесі басты назарда. Облыста балалардың өмір сүру сапасын жақсарту үшін арнайы инклюзивті білім берудің инфрақұрылымы дамытылуда. ПМПК желілерін кеңейту бағыттардың бірі болып табылады»,- дейді Қарағанды облыстық № 6 ПМПК басшысы Ақмарал Мұқашева.
ПМПК-да кедергісіз орта құрылды, пандустар бар, табалдырықтар жоқ, тактильді жолдар, тұтқалар бар, мамандар штаты жасақталған. Кабинеттерде балаларды тексеріп, кеңес беру үшін барлық қажетті құрал-жабдықтар мен диагностикалық әдістер бар.
Жаңа ПМПК қатарына алғашқылардың бірі болып Шахтинск қаласының тұрғыны Қасиет Башкенова қабылданды. Ол алты жасар қызы Айымды осында әкеледі. Бұған дейін әйел баласын Қарағандыға апаруға мәжбүр болған.
«Бұрын біз Қарағандыға сапар шегуге көп уақыт пен күш жұмсайтынбыз. Ұзақ уақыт кезек күтуге тура келетін. Ал мұнда бізге жақын, білікті көмек ала аламыз», – дейді Қасиет Башкенова.
«ПМПК мамандарына бара бастағаннан бері қызымның ашыла бастады, есте сақтау қабілеті жақсарды. Аптасына екі рет бір сағаттан логопед, дефектолог, психологпен бірге оқимыз. Нәтижелері көңіл қуантарлық».
Баланы ПМПК-да тексеруге тіркеу үшін ілеспе құжаттарымен бірге электронды немесе қағаз түрінде өтініш беру қажет. Бұл туу туралы куәліктің, мүгедектік туралы анықтаманың (бар болса), денсаулығына байланысты үйде оқыту қажеттілігі туралы дәрігерлік-консультациялық комиссияның (үйде оқитын балалар үшін) сканерленген көшірмелері.
Баланы консультацияға тіркеу үшін №6 ПМПК кеңсесіне хабарласуға немесе жеке кабинетте тіркелу арқылы жазылуға болады.
Бұл ретте облыстық ПМПК-нің бірінде баласын кезекке қойған Шахтинск, Саран, Абай және Нұра аудандарының тұрғындары жазылудан бас тартып, № 6 психологиялық-медициналық-педагогикалық консультацияға қайта жазыла алады.
Сұрақтар бойынша мына телефондарға хабарласуға болады: (8-72156) 2-31-81, (8-72156) 2-21-12.
