Қазақстандық Ербол Хамитов пара шаңғы спортынан әлем чемпионы атанды, деп хабарлайды ҚазАқпарат мүмкіндігі шектеулі жандарды спорттық даярлау орталығына сілтеме жасап.
Ербол ерлер арасындағы спринтте 2:44,23 секунд нәтижемен әлем чемпионатының «алтынын» жеңіп алды. Украиналық спортшы Тарас Рад екінші, бразилиялық Кристиан Вестмайер Рибейра үшінші болып мәреге жетті.
Бұған дейін Ербол әлем чемпионатының қола жүлдегері атанған болатын.
Швецияның Эстерсунд қаласында пара шаңғы мен парабиатлоннан әлем чемпионаты өтуде. Жарысқа әлемнің 18 елінен 102 спортшы қатысуда. Чемпионат 29 қаңтарға дейін жалғасады.
0
