Қазақстанның әлеуметтік кодексіне көп балалы аналарға арналған жәрдемақыларды есептеу бойынша жаңарту енгізу жоспарлануда.
ҚР Еңбек және халықты әлеуметтік қорғау министрі Тамара Дүйсенова ҚР Парламенті Сенатында Кодекстің тұсаукесерінде атап өткендей, «наградталған аналар» деген жаңа ұғым енгізілуде.
Бұл мәртебе көп балалы ананың еңбегін құрметтеу және мойындау ретінде өмір бойы «Күміс алқа», «Алтын алқа» алқаларымен марапатталған немесе бұрын «Батыр ана» атағын алған, I және II дәрежелі «Ана даңқы» ордендерімен марапатталған әйелдерге берілетін болады.
Марапатталған аналарға төленетін жәрдемақы мөлшері сараланады. Министрдің айтуынша, бүгінде 6, 7 және одан да көп бала туып, өсірген аналар осындай көлемде жәрдемақы алады.
«Әлеуметтік кодекстің қабылдануымен «Алтын алқа» алқасымен, I және II дәрежелі «Ана даңқы» ордендерімен марапатталған, Батыр ана атағын алған аналарға, яғни бала туып өсірген аналарға берілетін жәрдемақы мөлшері белгіленді. 7 және одан да көп бала болса, 7,4 АЕК-ке дейін көтеріледі», — деді Тамара Дүйсенова.
Бұған дейін Еңбек министрлігі 1998 жылдың 1 қаңтарынан кейін шақырылған және 2016 жылдың 1 қаңтарына дейін жұмыстан босатылған әскери қызметкерлердің зейнетақысын қайта қарау бойынша ұсыныстар әзірлеп жатқаны хабарланған болатын. Сондай-ақ кеншілер мен азаматтардың басқа да санаттары үшін нақты зейнетақы жүйесін қарастыратын ұсыныстар әзірленді.
