Қазақстанда ерекше қажеттіліктері бар адамдарды жұмыспен қамту жалғасуда.
Мәселен, қазір Риддер қаласындағы тау-кен байыту кешенінде 63 адам жұмыс істейді. Олардың міндеті – бейнебақылау орталығында кәсіпорынның қызметін бақылау. Олар өндірістік процестер мен қауіпсіздікті бақылайды. Жұмыс кестесі ауыспалы. Кейбіреулер үйден қашықтан жұмыс істейді. Жұмысшылардың көпшілігіне Өскеменде тамақтану және демалу орындарымен жабдықталған жеке бөлме берілді. Олардың жалақысы орта есеппен 130 мың теңге болмақ.
Елена Баус, Шығыс Қазақстан облысы «Қазақ есту қабілеті жоқ жандар қоғамы» қоғамдық бірлестігінің жетекшісі:
– Бұл әлеуметтік жоба біздің қалада ғана емес, бүкіл Қазақстан бойынша алғаш рет қолға алынып отыр. Бұл жұмыс оларға қажет және мүгедектік бойынша жәрдемақы өте жоғары емес екенін бәріміз жақсы білеміз. Қосымша жұмыс ынталандырады.
