Қасым-Жомарт Тоқаев 12 маусымды жалпыұлттық аза тұту күні деп жариялады. Аза тұту белгісі ретінде еліміздің түкпір-түкпірінде, соның ішінде елдегі ең үлкен тулар жартылай түсірілді.
Туды түсірудің басталу уақыты: 11 маусым 23:59. Қазақстан Республикасының заңнамасына сәйкес мемлекеттік ту тұғыр ұзындығының жартысына төмен түсіріледі.
Еліміздің бас туы Қазақстан Республикасының Мемлекеттік рәміздері алаңында, Қабанбай батыр даңғылы мен Қорғалжын тас жолының қиылысында, 100 метр биіктікте орналасқан. Мемлекеттік рәміздің салмағы 100 келі, ауданы 450 шаршы метр. Ол алғаш рет 2009 жылы көтерілді.
«Мен сіздер мұқтаждық тартпас үшін барымды саламын» — деп Тоқаев қайтыс болған инспектордың әйеліне жауап берді
«13 маусым күні сағат 00:00-де ту әдеттегі биіктікке көтеріледі», — деп атап өтті Астанадағы Нұра ауданы әкімдігінің баспасөз қызметі.
Еске салайық Абай ауданындағы орман өрті салдарынан 14 адам қаза тапты. Өңірде өртке қарсы күрес жалғасуда.
