Қазақстанда 1 шілдеден бастап мүгедектік және асыраушысынан айырылу бойынша әлеуметтік жәрдемақы мөлшері ұлғаяды.
29 маусымда Орталық коммуникациялар қызметінде өткен баспасөз мәслихатында Еңбек және халықты әлеуметтік қорғау комитетінің төрағасы Төлеген Оспанқұлов мәлім еткендей, 1 шілдеден бастап бұл жәрдемақылар 14,5 пайызға өседі.
«Мүгедектігі бойынша мемлекеттік әлеуметтік жәрдемақы алушылардың саны 532,3 мың адамды құрайды», — деді Төлеген Оспанқұлов.
Комитет төрағасы 2022 жылы инфляцияға байланысты мемлекеттік әлеуметтік жәрдемақы мөлшері екі есе өскенін еске салды. 1 қаңтардан бастап әлеуметтік төлемдер 5%-ға, 1 сәуірден бастап тағы 4%-ға, ал биылдың өзінде 8,5%-ға өсті.
0
