Өткен жылдың қорытындысы бойынша 12,4 млн қызмет көрсетілді, оның жартысынан көбі – 7,8 млн – электрондық қызмет. Бұл туралы ҚР Еңбек және халықты әлеуметтік қорғау министрі Серік Шапкенов айтты.
Жұмыстың сапалы деңгейін қамтамасыз ету мақсатында әлеуметтік-еңбек саласының барлық бағыттарында цифрлық шешімдер белсенді енгізілуде. 2021 жылдың басында мемлекеттік қызметтердің 91% цифрланды. Биыл қызметтерді 93% — ға жеткізуді жоспарлап отырмыз. Өткен жылдың қорытындысы бойынша 12,4 млн қызмет көрсетілді, оның жартысынан көбі – 7,8 млн – электрондық», – деп атап өтті Серік Шапкенов халықпен есептік кездесу барысында.
Сонымен қатар, үдерістерді жеңілдету және көрсетілетін қызметтер санының өсуі үшін бизнес-процестерді оңтайландыру жүргізілуде, бірқатар цифрлық жобалар іске асырылуда және жетілдірілуде. Олардың біріншісі-мүгедектігі бар адамдарға оңалту қызметтері мен құралдарын тікелей жеткізушіден сатып алуға мүмкіндік беретін әлеуметтік қызметтер порталы, бұл, ең алдымен, қызметтер сапасының өсуіне ықпал етеді, сондай-ақ сыбайлас жемқорлық тәуекелдерін төмендетеді. Өткен жылы портал арқылы мүгедектігі бар тұлғалар осындай 128 мың қызметке тапсырыс беріп, алды.
«Сондай-ақ, біз отбасының цифрлық картасын жасау бойынша жұмысты бастадық. Бұл жоба қиын өмірлік жағдайдағы отбасыларды автоматты түрде анықтауға, оларға қажетті кешенді қолдау шараларын белсенді түрде көрсетуге, сондай – ақ қол жетімді индикаторлар арқылы отбасының әлеуметтік жағдайының нашарлауын болжауға мүмкіндік береді», — деді Еңбек министрлігінің басшысы.
