1 шілдеден бастап Қазақстандағы жұмыспен қамту орталықтары еңбек мобильділігі орталықтарына айналады. Астанада мұндай орталық аймақтық мансап орталықтары арқылы жұмыс істейтін болады.
«Еңбек мобильділігі орталығы» ҚММ баспасөз қызметі хабарлағандай, 1 шілдеден бастап елорданың еңбек мобильділігі орталығы азаматтарға да, жұмыс берушілерге де қызмет көрсететін аудандық мансап орталықтары арқылы жұмыс істейтін болады.
«Мансап орталықтары қаланың жұмыссыздарына қызметтердің толық спектрін көрсететін, аудандарда көбірек мақсатты іс-шаралар жүргізетін болады, бұл тұтастай алғанда кешенді және тиімді тәсіл», — деп түсіндірді Астана әкімдігінің «Еңбек мобильділігі» орталығының директоры Олжас Омар.
Астанадағы мансап орталықтары азаматтарға келесі қызметтерді көрсетеді:
• мемлекеттік гранттар (400 АЕК);
• «Ұрпақтар келісімі» және «Бірінші жұмыс» жобалары;
• мүгедектігі бар адамдардарға арналған арнайы жұмыс орындары;
• қолайлы бос жұмыс орындарын іздеу және жұмысқа орналасуға көмектесу;
• кәсіптік оқыту, әлеуметтік кәсіптік бағдарлау;
• әлеуметтік жұмыс орындары мен қоғамдық жұмыстар;
• жастар тәжірибесі;
• микронесие бойынша кеңес беру;
• атаулы әлеуметтік көмек.
Жұмыс берушілер үшін келесі қызметтер көрсетіледі:
• қызметкерлерді іріктеу;
• жұмыс берушілердің сұранысы бойынша кәсіптік оқыту;
• жұмыс орындарын құруды субсидиялау.
