Қазақстанда әлеуметтік маңызы бар азық-түлік тауарларының баға индексі өткен аптада өзгерген жоқ және жылдық мәнде 8,7%-ға өсті, деп хабарлады Ұлттық статистика бюросы.
Министрлік 2023 жылғы 11 шілдедегі жағдай бойынша кейбір тауарлардың орташа бағасын жариялады: Қазақстанда жұмыртқаның 10 данасы – 451 теңге, күнбағыс майы – 803 теңге, картоптың килограмы – 177 теңге.
Әлеуметтік маңызы бар азық-түлік тауарларының тізбесіне 19 атау кіреді, бағалар апта сайын қадағаланады.
Бағалардың өзгеруі туралы ақпаратты жинау барлық облыс орталықтарында, республикалық маңызы бар қалалар мен астанада жүргізіледі.
Ол үшін елді мекеннің әр жерінде орналасқан тауарлардың кең ассортименті бар сауда объектілерінің әртүрлі түрлері (гипермаркеттер, супермаркеттер, дүкендер, коммуналдық базарлар, әлеуметтік дүкендер және павильондар) таңдалып алынады.
