Жарысқа әлемнің 107 елінен 1200-ден астам спортшы қатысуда.
Қазақстандық параатлет Дастан Мұқашбеков пара жеңіл атлетикадан әлем чемпионатында үшінші орын алып, Парижде өтетін Паралимпиада ойындарына жолдама жеңіп алды, деп хабарлады Мәдениет және спорт министрлігінің баспасөз қызметі.
Дастан Мұқашбеков ядро лақтырудан 15,74 метр нәтижемен қола жүлдегер атанды.
Әлем чемпионаты 8-17 шілде аралығында Парижде өтеді. Жарысқа әлемнің 107 елінен 1200-ден астам спортшы қатысуда. Қазақстан атынан Дастан Мұқашбеков пен Салтанат Әбілқасымқызы қатысады.
Чемпионатта алғашқы төрт орынды иеленген спортшылар 2024 жылдың 28 тамызы мен 8 қыркүйегі аралығында Франция астанасы Парижде өтетін XVII Жазғы Паралимпиада ойындарына жолдама алатыны атап өтілді.
0
