Орал тұрғыны көршілерінің кесірінен үйден шыға алмайды.
Бұрынғы тарих пәнінің мұғалімі Абат Спашев бір айға жуық көшеге шықпайды, себебі ол тұратын үйдің кіреберісіндегі пандус бұзылған. Жарақат алғаннан кейін Абат Спашев мүгедектік алып, қазір мүгедектігі бар жандар арбасын пайдаланады.
Бұрын ер адам белсенді өмір салтын жүргізді, бос уақытында балаларға футбол ойнауды үйретті. Ер адам арбаға таңылған соң үйдегі пәтер иелерінің кооперативі төрағасынан көшеге шығу үшін кіреберіске пандус салуды өтінді.
Пандус салынды, бірақ көпқабатты үйдің тұрғындарына мүлде ұнамай, пандусты бөлшектеуді талап етіп, ұжымдық арыз жазылды.
«Пәтер иелерінің кооперативі төрағасы жанжал болмас үшін пандусты бұзды. Қазір мүгедектігі бар жан пәтерден шыға алмайды, бір айға жуық таза ауада болмаған. Бұрынғы мұғалімнің жұбайы көмек алу үшін Еңбек және әлеуметтік қорғау Комитетінің бөліміне жүгінді. Оның өтінішіне тұрғындардың пандус жабдықтарына келісімі талап етілмейді деген жауап берілді», — деп жазады басылым.
«Тұрғын үй қатынастары туралы» Қазақстан Республикасының № 94 Заңының 40-бабының 3-тармағына сәйкес мүгедектігі бар жандардың тұрғын үйге қолжетімділігін қамтамасыз етуге байланысты пәтерлерді, тұрғын емес үй-жайларды қайта жабдықтау немесе қайта жоспарлау кезінде, пәтер мен тұрғын емес үй-жайлар иелерінің жазбаша келісімі талап етілмейді», — деп жауап берді басқарма басшысы Гүлнара Орынтаев.
«Мен қаулыны әділ деп санаймын, заң менің тарапымда. Бірақ пәтер иелерінің кооперативі бұл мәселеге қызықпайды ма деп қорқамын. Жиналмалы пандус бар, оның құны шамамен 100 мың теңге. Бірақ мен 20 жыл бойы жарна төлеп келемін, олардың ресурстары бар. Оның ешкімге керегі жоқ,мүгедектік алып қалсаң, болды өле бер. Мен бұл туралы бұрын ойламаппын,сабаққа жүгірдім,сабақтан кейін балаларды оқыттым. Қоғам мүгедектігі бар адамдар туралы ойламайтынын түсіндім», — дейді ол.
Басылым атап өткендей, Абат Спашев берілуге ниетті емес және өз құқықтары үшін одан әрі күресуге дайын.
