Денсаулық сақтау министрі Ажар Ғиният медик студенттің хоспис тұрғындары мен Астанадағы оңалту орталығының мүгедектігі бар балаларын қорлауы туралы айтты.
«Барлығы құқықтық сала аясында қарастырылады, құқық қорғау органдары жұмылдырылған. Оның мәселесі университетте арнайы құрылған комиссияда қаралатын болады», — деп қысқаша түсініктеме берді Ажар Ғиният Үкімет отырысында.
Министрдің жеке пікіріне келсек, студент дәрігер болып жұмыс істеп, диплом ала алмайды деп есептейді.
Бірқатар БАҚ жазғандай Астана хосписінде медицина факультетінің студенті ақыл-есі кем егде жастағы адамдарды ұрып-соғып, нәжістерін жеуге мәжбүрлеген. Кейін мүгедектігі бар балаларды оңалту орталығында қинаған.
Мүгедектігі бар балалар мен хоспис пациенттерін азаптағаны үшін медициналық студент 7 жылға дейін бас бостандығынан айырылуы мүмкін.
