25 шілде күні полицияға Тобыл қаласында екі қабатты үйде орналасқан пәтерде қатты түтін шыққаны туралы хабарлама келіп түсті, деп хабарлайды Polisia.kz сайты.
Оқиға орнына дереу учаскелік полиция инспекторлары Тамерлан Ерденов пен Глеб Лобазов келген.
«Біз жағдайды бірден шамаладық. Екінші қабаттың балконында өз бетімен қозғала алмайтын мүгедектігі бар адам болған. Көз аштырмайтын түтінге қарамастан пәтерге көтеріліп, ер адамды көтеріп алып шықтым», — деді Ерденов.
Түтіннің шығуына құтқарылған азаматтың пәтеріндегі газ плитасының үстінде қалып қойған таба себебі себеп болған. Глеб Лобазов сол кезде үйдің басқа тұрғындарын эвакуациялау шараларын жүзеге асырған. Көп ұзамай түтін жойылды.
0
