Ақтөбеде Тургенев көшесіндегі халыққа қызмет көрсету орталығындағы лифт жұмыс істемей тұрғанын айтып, соның кесірінен баспалдақпен тізерлеп көтерілуге мәжбүр болған айтып мүгедектігі бар азамат шағымданған.
«Төртінші рет осы ғимаратқа тізерлеп кіріп тұрмын. Бірінші рет жеке куәлігімді бір жыл бұрын ауыстырғанда кіріп ем, екінші рет — картамды ауыстырғанда кіргенмін. Содан кейін анықтама алуға келгенмін.
Орталық үнемі сылтау айтады: лифт жұмыс істемейді.Себептері көп, сылтау табылады.Мейірімді адамдар арбаны көтеруге көмектеседі.
Мен олардың не ойлайтынын білмеймін. Осылай өтініш беруді жөн көрдім, мүмкін осылай желі арқылы жасаған өтініш оларға әсер ететін шығар. Мен жалғыз емеспін. Көп мүгедектігі бір азаматтар осылай келіп, қайтады», — деді басылымға Ақтөбе қаласының тұрғыны Вячеслав. Ер адамның екі аяғы жартылай жоқ.
«Азаматтарға арналған үкімет» мемлекеттік корпорациясының Ақтөбе облысы бойынша филиалы лифт жақын күндері жұмыс істейді деп уәде берді. «Лифт 2018 жылы орнатылды, оның қызмет ету мерзімі бес жыл. Ақаулар болды, лифт істен шықты. Шынжыр табанды лифтті ауыстырдық. Лифтке күрделі жөндеу қажет. Қазір оны жүргізіп жатырмыз. Алдағы күндері лифт кешке дейін жұмыс істей бастайды», — деді филиалдың PR менеджері Асылгүл Айдарова. Ол мүмкіндігі шектеулі жандар мен егде жастағы адамдар, мүгедектігі бар азаматтар, өз бетінше қозғала алмайтын қарт адамдар «Азаматтарға арналған үкімет» мемлекеттік корпорациясының қызметкерлерін 1414 бірыңғай байланыс телефоны арқылы үйлеріне шақыра алатынын еске салды. «Қызметкерлер сізге 56 жұмыс сағатының ішінде келеді. Келтірілген қолайсыздық үшін кешірім сұраймыз», — деді Айдарова.
