Жетісу облысының прокуратурасы жағдайы заң талаптарына сай келмейтін тоғыз балалар лагерін тексеріп жатыр. Мекемелердің бірінде шизофрениямен ауыратын қызметкер жұмыс істеген.
Облыстық прокуратураның баспасөз қызметі 16 тамызда хабарлағандай Көксу ауданындағы «Қарлығаш» лагерінде балаларға арналған азық-түлік санитарлық-эпидемиологиялық нормаларға қайшы келетін ветеринариялық-санитариялық сараптамасы мен қауіпсіздік сертификаттарысыз сатып алынған.
«Балалардың күнделікті тамақтануының нормалары сақталмайды. Ас мәзірінде жаңа піскен көкөністерден жасалған тағамдар болған жоқ. Барлық лагерьлерде дерлік өрт қауіпсіздігі нормалары сақталмаған. Алғашқы өрт сөндіру құралдары — өрт сөндіргіштер мен өрт крандары жоқ, өрт кезінде эвакуациялаудың кедергісіз жолдары қарастырылмаған», — делінген ведомство хабарламасында.
Кейбір лагерьлерде прокурорлар мерзімі өтіп кеткен дәрі-дәрмектер табылған. Кейбіреулерінде балалардың өмір сүру жағдайлары мен бос уақыттарын ұйымдастыру тәртіптері бұзылған. Қадағалаушы орган ғимараттар мен үйлердің, сондай-ақ балалар лагеріндегі ас үй мен жуынатын бөлмелердің тозығы жеткенін және күрделі жөндеуді қажет ететінін атап өтті. Алакөл ауданындағы «Шағала» лагерінде ойын сауықтыру кешендері мүлде болмаған.
